各位乡亲父老、叔伯兄弟大家好,今日我要宣布一件大事:以后我主要都会用白话写作。原因有三个:1.用普通话写作既人太多啦,我唔够距地打。2.用广东话写作既人太少了,我地应该支持粤语文化。3.我中意。
俄罗斯打紧乌克兰。乌克兰想加入北约,俄罗斯唔比,普京话打距就打距。乌克兰话西方国家同美国唔帮距,边个够胆帮得架?之前都无人应承话帮你,就算有都无用,口讲无凭,有无签合同先?签左合同都未必有用,乌克兰总统演喜剧就叻,都唔识做生意个。俄罗斯打乌克兰对我地外贸人有无影响?有一部分人既乌克兰客户本来准备打钱个,宜家打仗就话唔比钱先咯。有D货运输经过俄罗斯同乌克兰,宜家可能唔知道个D货可唔可以到客人手上咯。我无乜俄罗斯同乌克兰客户,不过欧冠决赛本来定系俄罗斯圣彼得堡,宜家话准备换场地。当然都唔关我事,我系自己屋企睇欧冠姐。
最近有时睇下老华直播。虽然通常同距连麦个D人都系比较成功既人,郁下就讲稳到几百万、一千万个,我暂时离距地仲好远。不过人地成功有成功既道理,听下人地讲做生意既思路同方法都有好处个,可以提升下自己既思维层次。有D人成日话人地普通话唔标准、讲话慢之类,人地一年稳几百万你做到未先?要多D学习人地既优点,唔好成日捉住人地既缺点,感样先可以有进步、提升自己。
前段时间疫情无甘紧张,宜家又比较严重了。过年前我老婆想过年同我去湛江玩下,后来见到情况唔系甘乐观就取消左行程。深圳、东莞有D地方有好多例新冠阳性,希望各位平安无事。做生意生意难做,买股票股票跌到扑街,想出去好似到处都唔安全。谂甘多都无用,保住命仔紧要。
天生我才必有用。有D人唔中意学英语,但系人地数理化好叻。有D人数学比较差,但系人地识讲英语同西班牙语。有D人英语同普通话都唔系好识讲,但系人地识得请人做外贸,生意做到好大。有D人好多野都唔识,但系胜在够靓仔,好似我感。
天气变幻莫测。之前日日又冻又落雨,除左屋企同办公室边度都唔想去。呢两日出太阳,晒衫都好快干。听讲梨花开左啦,得闲同我老婆去睇下。咩啊,唔同我老婆去唔通同你呢个麻甩佬去咩?
有朋友准备开亚马逊卖产品。有D人做亚马逊无稳到钱,去参加亚马逊培训洗左唔少钱。有D人做亚马逊稳唔到钱,做亚马逊培训赚唔少钱。要唔要参加亚马逊培训就见仁见智啦,有实力又有需要咪去咯。宜家行行竞争都好大,做咩生意都好卷,有无咩行业又好做又稳到钱?应该都有,等我发左达再话你知哈。
好多人想知道投资秘笈。我之前其实有讲过,等腾讯跌到400就可以入手,买一个亿,等距升到700再卖出。你话你无一个亿,感几百万都有挂?甘大个人几百万都无,你实在太离谱啦!
宜家信息好发达,好多野我地都可以系网上睇到。不过一个人自己谂到、接触到既野都系有限既,所以要时不时出去行下,同其他朋友倾下计,交流下信息同谂法。
我系平哥,得闲饮茶。
分享至微信